Skip to main content

Posts

Showing posts from June, 2016

! يا عم

طق، طق، طق. شدّو فتح عيونو بصعوبة. نعسان استعدل في قعدته. بردان والسما برة العربية ماخدة اللون البنفسجي، الأحمر داك بين المغربية والليل. طق، طق، طق. في زول قال يا سيد وشدّو إتلفت، الزول دا واقف جنب العربية، ما أكتر من هيئة غبشاء على خلفية الليل الداخل. شدو مد يدو ونزّل قزاز النافذة حبة بوصات. تثاءب وقال، هاي. - إنت كويس يا زول؟ ولا عيان؟ كنت بتشرب؟ الصوت كان عالي، صوت مَرة أو صبي. - أنا بخير، دقيقة. فتح باب العربية ومرق منها بيمط في عضلات يدينو وكرعينو الواجعاهو. بعدها فرك يدينو في بعض عشان يحرك الدم فيها وتدفأ. قالت، واو، أنت زول ضخم. - بيقولو علي كدا، إنتا منو؟ - أنا سام - سام الولد ولا البت؟ - أنا بت. كان اسمي سامي وكنت بخت وجه باسم بين سام وحرف الياء، كدا يعني، سام
🙂 ي، لكن بعد شوية لقيت تقريباً كل زول بيعمل كدا، فوقفتها. - طيب يا بت الناس، كدي أمشي أقيفي هناك وخلي بالك للشارع. - ليه؟ إنت قاتل مجنون ولا حاجة؟ - لا. عايز أبول، عايز شوية خصوصية. - لا، صاح. فهمتك. نو بروبلم. معاك في دي. أنا ما بقدر أعمل كدا لو في زول في الحمام ال جنبي. عندي مشكلة كبيرة بتاعت متلازمة المثانة الخجولة. - طيب خلاص من ف…